AgriBonuspunte kan verdien word in twee kategoriëe. naamlik basispunte en bonuspunte

Hoe word AgriBonus-basis punte verdien?

Vir elke aankoop by 'n AgriBonus vennoot, verdien u voorafvasgestelde punte wat op u punte opsomming sal verskyn.

Hoe word AgriBonus-bonus punte verdien?

1. Navorsingsbonus
Wanneer u deelneem aan enige Agribonus opgawe of data navorsings projek

2. Drumpelbonus
Beloning deur silver en goue statusvlak te bereik.

3. Waarderingsbonus
'n Blykie van waardering vir die bereiking van 'n sekere hoeveelheid basispunte.

4. Status-erkenningsbonus
Spesiale bonuspunte word van tyd tot tyd toegeken aan Silwer of Gouestatuslede.


Waarom kry ek nie al my punte nie?

Dit kan weens verskeie redes wees, soos:
• U koop by ’n instansie wat nie maandeliks u aankoopinligting aan AgriBonus verskaf nie.
• U koop kontant. Die meeste van ons vennote hou slegs rekord van hulle lede en/of rekeninghouers.
• U eis het reeds verstryk.
• Die produk wat u aangekoop het, kwalifiseer nie vir punte nie.
• AgriBonus is nie by magte om u transaksie met die hand te verwerk nie.
• Die instansie is nie meer ’n vennoot van AgriBonus nie.

Hoe verseker ek dat ek my AgriBonuspunte kry?

1. Om te verseker dat u regmatige punte aan u toegeken word, faks ’n afskrif van u aankoopfaktuur aan AgriBonus by 012 804 4809, of pos dit na Posbus 1284, Pretoria, 0001.

Neem kennis dat daar wel sommige vennote is wat daarop aandring dat u u punte direk deur hulle moet opeis, soos Deluxe Chemicals, Intercape, Instavet, Kalahari.net, en dies meer. Vir verdere inligting, verwys na die vennotelys.

Hoe ver terug mag ek my punte eis?
Ingevolge AgriBonus se reëls en regulasies, het u 120 dae om te eis. Daar is egter heelwat van ons vennote wat u toelaat om u eise tot ses maande terugwerkend in te stuur. Netso is daar egter van ons vennote wat u slegs 60 dae gee om u punte te eis.

Hoe weet ek of my aankoop vir punte kwalifiseer of nie?
U kan die AgriBonusdienssentrum skakel by (012) 843 5660. Meeste van die inligting word saamgevat in die vennotelys

Hoeveel is my punte werd?
Skakel die AgriBonusdienssentrum by 012 843 5660 en hulle sal u op hoogte bring.

Wanneer verval my punte?
AgriBonus punte toegeken aan ‘n lid, bly die lid se eiendom en verval nie.

AgriBonus behou homself die reg voor om ‘n administrasiefooi te hef op dormante rekeninge (rekeninge waar vir meer as twaalf maande geen transaksies plaasgevind het nie) of punte wat na ‘n periode van vyf jaar nie vir die omruiling van toekennings aangewend is nie.

Kan ek verhoed dat 'n administrasie fooi gehef word?
Ja, u kan deur eenvoudig een keer per jaar u persoonlike inligting op datum te bring. U kan u inligting via AgriBonus se webtuiste by www.agribonus.co.za opdateer, of deur die “RED U PUNTE” vorm te voltooi en terug te faks na 012 804 4809 of te e-pos na info@agribonus.co.za. Hierdie vorm is ook op aanvraag by die AgriBonusdienssentrum beskikbaar.